Morriña

Radio Unión - 88.0 FM, Lúns de 20 a 22h.

Comezou a súa andaina o 11 de setembro de 1990 en Ràdio Verdum. Manolo Piñeiro, artífice do programa, leva emitidas máis de 1000 edicións de Morriña, que durante doce anos saíu na sintonía de Ràdio Nou Barris e ultimamente na de Radio Unión Catalunya. Polo programa pasaron unha chea de alcaldes de concellos galegos, artistas, cantantes, actores, intelectuais, escritores... Todos aqueles persoeiros representativos do mundo galego, tanto de Galiza coma de Catalunya. Morriña é un anaco de vida galega do que podemos gozar gracias ao esforzo e teimosía do seu director. O programa deixou de emitirse temporalmente hai un ano pero xa volveu ás ondas.