Aturuxos

Ràdio Ciutat Vella - 100.5 FM, Lúns de 20 a 22h.

Este magazine emítese en Ràdio Ciutat Vella todos os luns as 20h. Aturuxos quere transmitir contidos diversos —cultura, política, novas...— dun xeito divertido, co toque de humor que cada semana lle dan Xosé Manuel e Alberte Fernández Montes. Anos antes, o programa estivera dirixido por Ana Belén Real e mais por Eduard del Castillo Velasco, un catalán sen ascendencia galega interesado dende hai moito tempo pola lingua e a cultura de Galiza. O programa tamén contou coa colaboración do profesor Xosé Antón Pérez Bouza, que traía a literatura galega ao programa ou mesmo Antón Fernández, encargado da realización do “Especial Eleccións 16-N”, con entrevistas feitas nas sedes dos partidos a mesma noite electoral. Todo o programa aparece amenizado coa música e coas sorpresas que en cada programa van xurdindo, porque en Aturuxos se sabe do que se empeza a falar, pero nunca do que pode acabar acontecendo... Na última tempada o programa incluíu a colaboradores e corresponsais que informan dende Cataluña ou dende Galicia, como a crónica semanal da actualidade social, cultural e política que fai Antón Fernández, corresponsal de ERGaC en Galicia.